Ang Paglimot

Huminga ka ng malalim

Kasabay ng pagpikit na sa wakas ay nagwakas

Na sa wakas ay magsisimula ang pagtatapos

Pagtatapos ng isang minsa'y masayang kwento

Ng alala ng makukulay na tagpo

Ng puno ng mahikang sulyap at ngiti

Ng humahalakhak na katahimikan

Ng nagsusumigaw na ugong ng isang sumpaan

Isang balik tanaw na lamang.

Di mo man inaasahan ngunit nakatakdang pagdaanan

Di mo man pinangarap ngunit nakatadhanang ito'y iyong malasap

Mapait, masakit, masikip sa dibdib

Dahil bihira ang kwento ng paghihiwalay na masaya

Hindi ka naiiba sa kanila

Hind lang ikaw ang nasasaktan

Hindi lang ikaw ang nasaktan

At huwag mong solohin ang pait

Huwag mong kimkimin ang galit

Huminga ka ng malalim

Dahil maaring ito ang iyong ngayon

Handusay ka't di alam kung saan paroroon

 Ngunit bumangon ka at tanawin mo ang bukas

Lumakad kang muli ng may paghilom

E ano kung ito nga ang iyong ngayon?

Isa kang mandirigma ngayon

Isang matapang na laban ang iyong sinuong

At may bukas pa na naghihintay sayo

Buoin mong muli ang iyong baluti

Dahil ang buhay ay mapuputuloy

Hindi ka maiiwan sa ngayon habang hinaharap ng iba ang bukas

Gawin mong gamot ang paglimot

Paglimot na may pagakututo

Paglimot na may pagtatanda
Paglimot na may paglaya.

-tups