Hindi

Hindi ang bukas na di sigurado

O ang kahapon na di totoo

Bakit iiwas kung tunay na gusto?

Bakit di angkinin kung talagang sayo?

Hindi ang iyong malamig na titig

Ni ang sumpang habi ng 'yong bibig

Pano ba paniwalaan ang isang panaginip?

Pano panghawakan ang pangako mong langit?

Hindi ang iyong haplos na malamyos

Lalong hindi ang himig mong paos

Kailan ba hihinto itong pagtakbo

Gayong di kita matanaw sa likod ko.

Ang walang ubos na ngayon

Di gumagalaw na panahon

Yakap na maligamgam

Pawiin ang agam-agam.

-tups